半個月前屋企樓下間士多執笠，立即連掃兩箱Pokka咖啡返屋企，臨尾幾日老闆娘話會搬過紅磡有緣再會。今日見去寶石睇《蜘蛛俠2》（呢一集、呢個版真係點睇都十分emo），見順路就唔搭車行路返屋企，睇同老闆娘夠唔夠緣份，話咁快就搵到，見時候仲早就去食個飯先啦，食完返轉頭，
「七點咋喎，咁早就閂舖？嘩，使唔使呀？」
好在佢係搬去佳寶對面，就順便過去行行。其實第一次行佳寶，未行過都唔知原來真係咁多荀貨，細維他奶2.4一包真係冇得輸，不過好耐未買過包裝，因為買盒大盒一升先$7．．．咖啡只搵到$4.5一罐雀巢，不過最想掃其實係好耐未飲過加去士多都未必搵得到的碧泉、沙示，而家仲搵得到$3一罐汽水仲想點呀？（我仲想搵返碧泉檸蜜呀！最後一次飲好似已經係讀緊中學時，但而家仲回味無窮，仲有冇地方買得到呀？）
沒有留言:
張貼留言