熱門文章

2014年1月11日 星期六

每週一相片大行動 2014 Week 2:戳麻爆了,恭喜恭喜




去唔到Her Name in Blood,戳麻release show就成為2014開年metal gig。隻碟等咗十年都有,當一隊nu-metal band由nu-metal香港當紅時出道、到連外國帶頭幾隊nu-metal一係唔知去咗邊,一係連自己最初用嚟打天下種音樂都唔再玩時先出到碟,其實幾唏噓,不過又唔係壞事,堅持到咁長時間、用咁多年不斷進步,禪意加中樂加重金屬成為現今香港難得獨一無二metal band,反而而家出碟先至係最好的時刻。

想知幾多人同我一樣等佢哋出碟等到無可再等,睇睇呢段公告就知啦。對上聽到嚟HA搞show而可以賣飛賣到有錢都買唔到,係閃靈同萬能青年旅店,兩隊都係外地樂隊,而香港band可以做到同樣開show前已經冇晒飛賣連walk-in都冇大班人四圍搵人放飛,就真係冇乜見過,而最成功係今次主角只係一隊唔算而家好多人日講夜講,又冇乜出名歌流傳,仲要唔pop rock唔文青嘅嘈band。證明戳麻堅持咁多年絕對值得,贏嚟係一班絕對死忠、幾耐都等嘅追隨者。

不過反應咁好又唔係真係咁意料之外。老實,我覺得就算佢哋去蒲吧包全場搞,都未必爆唔到。

沒有留言:

張貼留言