熱門文章

2014年1月19日 星期日

難得亞視肯重播《吳耀漢攪攪震》,點知...都係執柒咗佢啦

亞視其實仲有兩個節目好睇,一個係甘國亮《亞視百人》(好似一早做完,難得亞視真係搵到一百個人上去做訪問),另一個係《高志森微博》,雖然高志森條友係仆街,但佢個節目可以話係《亞視百人》延續篇(應該話根本一樣),而家亞視最好睇反而係話返當年,所以要開個歲月留聲台,因為重播十幾廿年舊劇舊節目收視反而仲有保證。

重點呢,係琴晚嗰集訪問吳耀漢,打蛇隨棍上歲月留聲台立即重播《吳耀漢攪攪震》,當年呢個節目同《歷史也瘋狂》、《笑足1800秒》一樣係亞視鎮台之寶甚至香港搞笑節目經典,之後無線見亞視整搞笑節目咁多人睇先跟風開拍(其實仲有幾多人記得,當年無線差唔多冇乜原創節目,九成都係亞視做起咗先至抄人橋,再憑慣性收視大蝦細e.g.用翻版《城市追擊》打壓正版《今日睇真D》?),但係論到搞笑節目,嗰陣亞視水準真係高過無線《笑星救地球》等唔知幾多倍,《吳耀漢攪攪震》就係表表者,而家重播絕對冇得唔睇。噉幾時播呢?

「逢星期六晚凌晨三點鐘。」

...我屌你老母啦亞視執柒咗佢算啦。

沒有留言:

張貼留言