熱門文章

2014年1月30日 星期四

多謝幫年三十冇得食晏又冇得早放工嘅我出頭嗰位烈士

年三十全世界早收爐,關我叉事咩,其實仲衰,正因人人趕住三四點收工,追單迫生意時候永遠最容易迫死電腦,我就好玩囉八點鐘飛大角咀做咗成朝,跟住尖西完尖東再紅磡最後走返去九龍灣,好喇你哋收晒爐閃晒喇,我四點幾先有得食晏晝飯。個客仲要撞正新年至新舖開張,而新開張就代表第一個星期肯肯定有問題架啦,跟住初一到初三日日有工開,仲話想去台北睇BabyMetal過新年添,諗都唔使諗啦而家。

更灰係之前隻智慧齒拆完線前面大牙痛痛地以為正常,點知過多日發現原來真係出事,睇怕連左邊隻大牙都瓜鬼咗要杜埋牙根,立即打電話去牙醫度問問有乜解救,點知連診所都晨早收爐,大鑊佢收爐我就收皮喇。搞到呢個新年冇假放工照開, 仲要連續四日紅假先嚟牙痛,想食新年大餐喎食止痛藥啦你。

(不過睇嚟又黑唔晒喎,老細講返俾我知,新聞話原來我出面俾人老點走嚟走去時,lunch時間有人去咗我公司附近間郵局放炸彈。係邊個烈士代我出頭,炸死晒班有得準時食飯又可以早收工嘅冚家剷)

沒有留言:

張貼留言