一個更開心的聖誕大餐

份人一向冇乜節日氣息，不過見聖誕佳節，咪落街行行買買雜食。屋企附近開咗間阿信屋，幾個月都未幫襯過，見聖誕開一開齋，就發現好大鑊，我好鬼鍾意食Doritos，呢度有隻韓國版，一樣咁好食但係平起碼三分一，睇嚟聖誕之後好難唔肥返。唉安安份份做個毒撚匿埋屋企咪好囉，做乜咁身痕呢。





琴日老細去人哋度黐餐，食剩啲嘢見冇人要咁浪費，就擸晒返屋企先，順理成章成為毒撚的聖誕晚餐，大佬我咁懶仲要呢種時節，真係頹到營多都唔想落手煮啦。落阿信屋經過間餅舖見到有隻流心朱古力撻，雖然$6.5一個好在幾好食，同冇呃秤入面真係大大劈朱古力，次次食完都流到成隻手黑晒。如果入面係士多啤梨醬就正。





正當我自己食緊琴日公司冇人要堆立雜嘢當聖誕大餐，一面食一面唱「其實毒撚一個更開心」時，屋企對面住地下家人，請咗成棚人去唐樓後園空地開party食真正嘅聖誕大餐。都係閂埋窗繼續上ThisAV好過。