人生一大挑戰

人生其中一個最大挑戰，係自己幫部機貼保護貼。呢兩日連貼兩鑊，一晚貼Nexus 5、一晚貼iPod Classic，兩鑊都衰晒，無論事前點樣抹乾淨個芒點樣用膠紙黐走晒毛粒塵粒點樣揀個乾淨冇塵靚位黐，第一次貼完總會有泡，拉返起再整，整幾整之後仲衰個底實入晒塵，成塊嘢貼完好似生青苔噉唔黐好過黐。N5都叫做捨得使錢的話出先達出黃金可以買返張仲有專人幫你貼埋（我永遠唔明點解我用同一個方法貼，做舖嗰班永遠冇事，我就貼完仲樣衰過唔貼），iPod Classic連個套都要淘寶淘返嚟，而家芒貼連張轆掣貼紙都收晒皮，唉笠完個膠套繼續裸跑算。

好懷念以前iPod開箱正面已經貼咗塊膠膜唔使煩。