每週一相片大行動 2014 Week 7：這，才是真香港人的生活。

今日葵涌個倉開完工，夜晚要出深水埗買parts，大安旨意出嚟行街掃貨。與其去朗豪坊同班「新香港人」爭食$40一碗魚蛋再行我哋根本買唔起嘅名店，倒不如出嚟深水埗，先去福仁個個禮拜唔同款檔散貨場幾蚊一件又實用掃一堆返屋企，買唔夠行埋鴨寮街囉，買落啲貨使咗錢又用得著好開心。跟住龍津食魚蛋，都係一碗但七蚊咋喎，而且我覺得好食過朗豪坊囉，唔夠加多底雞蛋仔又七蚊都仲平過人。仲未夠喜喜喜喜整多兩串雞軟骨然後合益泰$6四條勁滑坑渠腸粉，走去搭車返屋企經過點可以唔順便整多份新香園蛋牛治呀。

這，才是真香港人的生活。