我好唔想放棄Denon。但係，又好難唔放棄。

頂你Denon，真係每次都計到啱啱好三個月，對耳筒就會壞。老實我仍然唔想放棄，因為試咗咁多組合，唔計好多好多年前Sony出而家已經搵唔返嗰對最完美metal耳筒，iPod加Denon C360先造得到我最鍾意嘅metal聲，而且呢個組合聽pop都唔錯 － 之前Shure聽pop聽post係更加正，但用嚟聽metal就實在太唔適合。不過聲點樣掂，Denon貨由以前一年換一對（即係一過保養就死．．．）變成而家一季換一對，雖然張單仲有半年時間即係夠我換多最少三對，大佬邊個想噉樣每幾個月就要特登出一次佢哋寫字樓搞場大龍鳳呀，仲要星期一至五先開即係幾乎要請假先去到搞，仲要上去擺低冇得立即換新要一兩個禮拜之後又再上多次去至有得拎。唉係咪個天都迫我開始尋找下一對metal headphone的故事呀。