熱門文章

2014年12月24日 星期三

24/12/2014 WED.韓留記Day 15




在這平安夜,願我共你可一起喝悶酒。識我嘅人都知我唔飲酒,唔係唔飲得,而係唔明有乜好飲。韓國文化就係飲酒同埋飲酒,今晚平安夜一搭正六點鐘,裝修公司老細立即叫大家停手唔好做嘢,之後拎晒紅酒啤酒出嚟叫大家飲,而長輩文化嘛,老細塞埋嚟,就要頂㗎啦。

上次去韓燒班友狂隊我飲bakali,唔知係咪米酒,我劈咗幾枝覺得同飲汽水冇乜分別,要去到啤酒同燒酒至開始wing。今次唔知係呢隻Cass勁定空肚飲,飲咗一罐已經浮浮哋,老細質多罐嚟隊埋,第一次體會到乜嘢叫行路唔到直線。不過好神奇,跟住去廁所屙個尿之後又覺得冇乜嘢好似冇飲過。可以又劈過。





平安夜大餐,港紙$30搞掂。其實有諗過整好個芝士撈麵之後,拎過對面街搵個2000圜一客即煎豬柳蛋個阿姐加料。

沒有留言:

張貼留言